2014年6月北海道之旅-DAY 1

我們一家四口之北海道之旅由7/6-14/6，因為乘搭長榮航空比國泰直飛每人便宜$1500，四個人共節省$6000!!之關係，所以我們便於台北轉機，但時間卻非常早，上午7:30的航班，在台北等一個小時，日本時間下午三時多便到達呢!更因此得以乘坐Hello Kitty 機，媽媽非常開心呢!機上也實在太誇張了，連廁紙也有Hello Kitty 呢!

到埗後便於機場取車及WIFI 蛋，之後出發! 其實當日天陰天氣都幾涼，在車場取車處及辦公室出出入入，(因原本租的車比預期細，所以要換七人車)，結果我同媽媽都有少少凍親，加上可能唔夠訓，所以好易中招。取車後便直去ESTA UNIQLO 買衫，因一心想買衫，為減磅我同老公都冇乜帶衫過去，見有少少唔舒服順便買埋感冒藥，聽人講效果唔錯(試過真係幾好)。

本來想去難陀食晚餐，點知冇訂位冇得食，結果落樓去對面冰雪門食蟹。又唔算貴，套餐每人￥3200-￥4200左右，加左刺身及飲品每人平均￥5000左右，仲有自已的房間，著和服的侍應逐碟上幾有趣。D野食全部細細碟，不過係咁上係咁食都好飽，而且有點唔舒服所以都有點食不知味。剌身一般不算太鮮甜，始終都係漁市場的好食，蟹都幾鮮甜。不過唔係好習慣，侍應姐姐送我們去搭升降機，我們的升降機門未關佢一直彎腰鞠躬一直也不起來，門也關得很慢，我們拿拿聲按住關門制，讓門快D關上!

由於第一晚到酒店已經是晚飯後，所以只租了一間便宜的(comfort Hotel Sapporo)，￥3300一間房而且包早餐，免費泊車。不過房間要求當然不要過高，小小的房、小小的床及小小的浴室，洗澡不停地撞到手、腳，雖然如此，但都非常整潔的。