早餐一如其他DORMY INN 非常多選擇，紅豆多士不太甜，但非常熱氣，所以食了兩口淺嘗便算。鰻魚飯雖然鰻魚不多但成碗飯很有鰻魚香。炸蝦非常香脆，炸豬扒就一般，仲有栗子飯
今早出發往高山市，但於名古屋之公路上塞車，之後在一宮附近又塞車，可能是假期多人外出玩樂吧，結果連埋休息要三個多小時才到
中途我們在休息站買左支飛驒牛奶雪糕，真係好好食
老公要小眠一會再出發
到達時宮川朝市已經收左，惟有先到山武商店食午餐先 TEL 0577343208 營業時間11:00-14:00 16:30-21:00
定期休假日
每周星期三和第三個星期四休
￥1,480@100G
唔記得係門口影相，借張圖用下
山武商店有自己的農場，而且主力做出口，所以店面賣D牛肉質素都好高
店內有西泠同肉眼，我們喜愛西冷多一點，一塊又太少兩塊又太多，所以要左一塊半，500G左右
店內用炭火燒，是我最愛的方式，D肉有一陣陣炭火香
每檯要收開爐費，是指定的，老闆用英語說是table price，每位￥480，費用亦包括可以於凍櫃取蔬菜燒及有生果同益力多甜點等。
之前去石垣食石垣牛，老公對佢念念不忘，成日話再去石垣。今次呢個飛驒牛真係無得頂，拍得住石垣牛，嘩...果陣牛肉香味係個口度瞬間爆發，即情想連自己條脷都吞埋落肚，而家我一邊打都忍唔住一邊狂吞口水
D牛肉唔駛點任何醬都好好味，但如果真係點我覺得點胡椒最夾
老公一邊食一邊構思，直情想晚餐再來食過，哈....不過食到最尾果件時我們都覺得有d滯滯地，好彩只係叫左1.5件
食飽飽便到上三之町閒逛，我將車定位在附近之停車場
tel 0577355540，原本擔心附近不多停車場，但一路閒逛時發現原來有不少停車場。
由於午餐食得太飽，買左串燒團子後我們已經食唔落任何野.........我們幾鍾意燒團子，覺得口感同味道都好得意，有少少咸咸地咁
行過見到飛驒牛肉包、手握夀司都食唔落......
咁惟有試酒，試完其實係好飲嘅，但又未好到我想買佢番來，結果走去買冇得試既梅酒、柚子酒....但兩者道都好好，早知買多D喇
試飲味噌湯後，買左包味噌就真，真係好好味
買左四支酒一包味噌果刻已經開始擔心會超重
行左一個多小時，我家老板已經頂唔住，咁我又唔係特別好鍾意行街，所以就四點多便返酒店。相反我都幾鍾意咁，有多D時間可以玩下間旅館，咁樣我們覺得幾RELAX，所以行程都係咁計劃。
今晚 入住高山GREEN HOTEL ￥36720 西式房包早晚餐，由於是星期六比平日有一點點貴，本想住和式房但星期六太貴，所以選擇西式。
酒店櫃位d裝飾好得意
點知去取房時獲告知，獲升級房間連埋和式房，超開心
走廊有不同大小之浴衣，若不合適可以自行更換，由於成人鞋太大了，我便自行換了小童鞋
先到酒店的溫泉歎一歎，由於幾次都很多人所以沒有拍照，看官網都是一樣的
官網溫泉的樣子
溫泉池很大，而且有按摩池，露天亦非常舒服，浸在水中面很清涼但身卻是暖暖的
泡完溫泉我們便去逛酒店中的手信街，果然有很多商品及試食，酒亦有試飲，由於不想挽著東西晚膳，故問清楚晚上營業至十時我們便先去食飯
就係去晚餐前，我突然覺得非常唔舒服，我便知道我有點冷親，就係剛才泡完溫泉我只穿上酒店之浴衣及外套再逛手信街便冷親。我的確是很易冷病的。但由於我唔想掃我老公興所以我沒有告訴他，只好死頂去餐廳。
是日晚餐本來我期待已久，是自助餐形式加一系列特別菜式放題，當中當然包括飛驒牛，自助部份有夀師傅按你需要即握刺身夀司、即煮拉麵、一系列食物........
餐牌係任點嘅食物
但我果一刻淨係有想嘔既感覺，陪老公取食物時，由於佢仍被下午的飛驒牛滯緊，見到牛都唔係好想食，所以佢都唔係攞左好多野食，我只係取左一碗味噌湯同幾粒生果......佢以為我都滯緊，冇胃口，所以仲取笑我
我們只點左飛驒牛鍋，個侍應都有點愕然話(only one?)
由於實在太唔舒服，我冇乜影相
後來我見老公都食得七七八八，我先同佢講我其實係唔舒服，佢都有問我點解唔早d同佢講，我咪答佢我唔想影響佢都冇胃口食又或者食得唔舒暢。
坐左陣可能餐廳暖d，我覺得自己有d番生既感覺，取左d食物，又點左pizza，即焗係幾好食
之後番上房食昨天剛買的感冒約，效果唔錯，好快見效，詳情最後一天再買藥時一次過講
著番件打底衫，即刻舒服晒。跟住落番去買手信，記得要帶護照是有得退稅的。
之後再浸左次溫泉同埋做按摩，我個女師傅手勢好好，我老公個男師傅就唔得喇，佢話好似冇力咁....
沒有留言:
張貼留言