12/9(二)
一早起床仍在下雨，先泡一泡溫泉，再移動去食早餐，
早餐同晚餐都在另一棟，要先穿戶外拖鞋過去，離開前服務員會先問房間號碼，到達餐廳後門口接待員已清楚是那一間房及幾位。
早餐人比較多，要先在大堂等一會安排好才過去
早餐安排了的座位望住d 樹好舒服
 |
仲會另外上一煲用鑄鐵煲煲嘅白飯
早餐過後去溫泉區睇下，一個人都無就快手影左幾張相
之後返房再浸多次就退房了。
由於今日都仲係落緊雨，原本想去睇登別地獄谷都取消了，就去番札幌打下保齡同行下街，始終疫情幾年都無去過日本了，好想好好地行下街
我們去了厚別的保齡球場
Tel：0118915589
保齡球都唔算貴，大約￥500 一個人一局，係無私家波同鞋嘅況下玩兩局過下癮就算
之後去左行我最愛嘅宜得利，泊好車外面已經勁大雨，好彩取消左地獄谷個行程
我之前買過一張被單覺好舒服，所以今次買左兩套床單同被，佢 質地係全綿，鋪左之後覺得佢 好滑好舒服
之後係狸小路食午餐同再逛一陣，跟進出發去小樽
路上經過cainz home 又行左陣
Tel：011 699 8100
去到小樽已經6點，玻璃街店鋪都陸續關門，行左兩間就返酒店。
今晚訂了運河旁的 Hotel Nord Otaru 官網
是晚房價￥26400
房間當然非常一般，有點似八九十年代的內地酒店
跟住我們就出去搵地方食晚餐，亦開始我們悲慘之行
我們上google 地圖搵左間附近嘅居酒屋，落住小小雨，我們撐著雨傘一路睇地圖，原來條路要上斜，都唔緊要，行左一半要轉左入小路，但條小路好黑，我們決定唔去果間店，因為見到斜路頂好多燈，覺得果度有食店，點知來只係一間鋪頭，咁再向光嘅地方行，行左陣見到屋酒屋橫町，但有幾間店無開，所有店都好細，又都有幾個人坐左係度，睇餐牌野食又好似麻麻地，決定再去番原本間屋酒屋，去到原來無開，惟有再搵其他地方食，點知真係把鬼，好多店晚上係唔開嘅，所以就算google地圖我見到好多餐廳嘅街，都係可以全部唔開，最後終於搵到間燒肉店有開，已經好鬼攰，相都唔記得影~~~~
之後行番酒店其實都唔係遠，只係剛剛兜左個大圈，仲要原來酒店跟進運河行就係有唔少餐廳仲有開~~~~~
最後一日行程唔多就夾埋一齊寫，
早餐仍是超豐富的魚生飯
最後只買左一件兩隻似我家貓貓嘅飾物
我們預早出發去機場， 因為想去國內線機場行下同去拉麵共和國食拉麵。
去到時剛剛開放櫃位辦理登機，但已經好多人在排隊，還好今次買了商務票，省卻了不少時間，否則看那排隊的人龍那裡還有時間食拉麵
我們隨便選了一間較少人排隊的店，感覺還好不是一味的咸
本來無打算排隊購買Kinotoya 的雪糕，但見到人龍又覺得應該好吸引，加上我家老闆要找吸煙室，所以抵不住吸引又跑去排隊。
雪糕指明係六層的，睇佢唧雪糕才明白為何要排那麼久，因為雪糕是很濃杰的，所以機器都唧得很慢
食過後就明白為何是四連霸冠軍雪糕，牛奶味真的很香濃，在我很努力與雪糕大戰時，我家老闆仲未返來，我最少食左三層佢先出現幫拖，佢食兩啖俾番我，我同佢講我最少食左一半，佢睇埋相先知乜原來咁大杯~~￥450 來講好抵食，一杯頂人家兩杯
沒有留言:
張貼留言