今日有少少雲，天色唔係幾好
早餐食到一半又落雨，今早麗安排了免費之半日浮濳之旅，我同老公仲驚咁大雨會取消。但冇計，惟有去鋪頭問下喇。
佢地話島的另一邊好好天，所以冇問題，真係得意，佢地話一邊下雨時，另一邊會好好天，而12月至3月白沙灘果邊會完全冇雨。呢個季節就一時時喇。
原本應該另外仲有4個人同我地一齊，但唔知點解冇來到，可以見天氣唔好，以為取消吧，結果就得我同老公兩個人包船。
出發前個店員已經同我地講，浮濳完我們應該會想體驗潛水，果下我們仲實牙實齒話唔會
個海真係好清，好多魚仔佢地仲好肚餓，咬埋我隻手，仲有好多好大色彩好靚既珊瑚，真係好想潛落去睇真D
正如店員所講，浮潛之後，同老公見個海底咁靚，就決定下午去體驗潛水
如是者，就開啟我們潛水之門~~
下午繼續係大風雨，但都唔影響我地海底之旅
2700一個人。另外加左500拍DVD
如果要用近視鏡就要加200，因為係海底唔可以帶CON
我地先係沙灘試，試完就出海LU~~~
我地同船仲有另外6個台灣人，大家都好似好緊張咁。
個情景好搞笑，佢地叫我們吐口水落面鏡度，防起霧，果下 8 個人一齊吐口水都幾搞笑
係架船度我愈等愈驚，又見要向後訓落水，真係好想縮沙~~但係個海太大浪，係船度好難受，所以先頂硬上咋。
不過落到海就冇咁驚喇，其實最驚係等果下~~~~~
玩完超級肚餓，我地去左BITE CLUB 食左個中SIZE 漢堡，個飽好好食，好多肉汁，但就好似泥牛入海咁，完全唔飽，可能我地真係太餓喇。
所以我地又走左去食韓國烤肉。
記得一定要包埋塊生蒜食，香好多架，千祈唔會烤D蒜呀~~~
夜晚又去左飲野，整晚我地都仲回味緊今日的海底經驗~~~~
係海底既感覺真係好得意，好寧靜，感覺好似得番自己同D魚咁
沒有留言:
張貼留言