我地全日都係酒店 HEA
由於我地攝影技術麻麻，而且部機又唔係勁機，所以都拍唔出長灘島既美
坐係露天既地方食早餐，腳下就係滑嘅沙，真係好過成癮!!!
係酒店飲既芒果冰，係我飲過最好飲既，JONAH’S 的都唔及佢咁好飲
之後我每日係酒店最少都會飲一杯
中午去左食海鮮，由於我地講價能力一向都比較低，而且真係好怕講價，所以價錢唔算超平，但我地覺得比香港抵便可以了。
今次買左兩隻超大的蝦、一隻蟹、同埋生蠔仲買左個椰菜。加埋1100，真係好好味~~~
食完返酒店繼續HEA，我地係酒店海邊做左個背部按摩，一路吹海風一路按都幾舒服
跟住我地就去坐風杋，因為果日有D 雲，我估日落時都唔會見到，所以早D 出發，睇下有冇得平D，但點講佢地都一定要600，咁就是但喇。
係架船度吹海風真係好正
跟住我地去左ARIA 食晚餐，食食下突然好大風，咁我老公轉左入去店內張咖啡檯，點知坐定就開始好大雨，好彩轉得早咋，遲D便沒有室內檯了。
D風雨大到我地以為打風~~~~~
因為冇帶雨傘，食完走時我同老公一路行一路凍到震
夜晚惟有返酒店睇DVD
返房後發現酒店好SWEET 咁用樹業寫左D野俾我地，祝我們晚安，之後晚晚都有~~~
沒有留言:
張貼留言