我一定會再返去架~~
我地係麗訂機票同酒店，住係Ambassador，間酒店真係好正好舒服，由於酒店想俾一間高d 既房我地，原本2樓而家4樓，不過行樓梯都係3層，就是但應承左佢地，點知佢地upgrade 左我地間房，嘩~~~多左個雙人按摩浴缸~~結果我地差唔多每日都玩一次泡泡浴。
我地坐菲航同seair，去回程都冇延誤問題。雖然同麗訂野貴d，但我覺得安排好好，全程都有人接機、安排轉機等等，而且我估佢地同seair好熟，回程前一日酒店同我地講我地回程班機取消左，要改為11:00機，即9:00要走。其實都冇辦法，咁我地打俾麗當地聯絡人叫佢明日搵人早d來接我地，點知佢聽完後，話等佢check下先，轉頭打俾我話照安原訂計劃，2:00飛，12:00走。Yeah咁就玩多個朝早喇~~~去到機場check in 完坐左陣，聽到seair 廣播話我地班機延到3:30，但跟住就叫翻我同老公出去，將我地兩個都改為1:45班機。
好~~~~~開始遊記部份喇
第一日，去到酒店上到房都差唔多5點幾，upgrade 左間房真係好驚喜
佢地仲整左兩隻天鵝係張床度，仲俾左個好靚既果盤我地
跟住我地就出去搵野食喇，由於真係好想食沙灘BBQ，但腸胃好敏感怕污糟所以就搵酒店果D 食。
我地去左SEA WIND ，有海鮮同肉類，D牛肉都幾靚有雪花架，D 野都燒得幾好，唔會唔生唔熟。叫左兩杯野飲，兩個人連加一食左一千四百幾左右。係俾餐廳貴D 但乾淨同衛生嘛。
由於太肚餓唔記得影相。
食完返左酒店既酒吧飲野同吹海風
其實夜晚真係好，可惜當時我部相機影夜景真係唔得
沒有留言:
張貼留言