12年峇里CLUB MED~最後一篇PART5 村外遊之激流篇

原來我老公睇左CLUB MED 左激流海報幾日，心思思好想去，到最尾果幾日先同我講。既然係咁就去喇~~~

其實我係好怕玩 呢D咁刺激既野，D機動遊戲我一向都唔係點玩，今次真係「捨命陪君子」
訂果陣，我已經問過CLUB MED D人，佢地話唔好反艇喎~~~

又係一大早坐個幾鐘車出去，到達山區時見路邊有好多竹的裝飾，唔知係咪有咩特別節日呢

激流有專人影相，成日俾人影左都唔知，之後可以決定買唔買相，隻CD 都成$22 美金一隻。

基本上我由一開始，隻艇一動我就開始叫，到中段適應左就冇再叫喇，中途有個休息點，仲有條小小瀑布

跟進去到水霸位，我又再一次奪命狂呼
大家睇下同船既四個男人都好開心，我.....一直只在叫，其實我又張開過眼

終於識得笑喇

午餐，出奇地好好食

尤其是個甜品，唔係太甜，少少甜入面綠豆饀