15年4月九洲11日自駕遊~~準備篇

好期待呀~~~~~仲有一個星期就去旅行喇!!!其實算係第一次兩個人真正係日本自駕遊。不過有之前北海道同石垣的經驗，感覺都幾良好。

其實今次九洲之旅本來並未有特別安排想睇櫻花，只是時間上就到兩公婆都好似得閒D

但現在看來似乎可能睇到櫻花水尾，即管到時睇下點~

想去九洲純粹係因為有一次係別府食拉麵，餐牌用別府地獄命名之拉麵，又有圖片。一睇覺得好靚尤其是海地獄，跟住上網查下，知道別府係九洲，所以就安排呢個九洲之旅。

由於旅程去 11日，查過廉航機票都唔平，所以 12月就用飛行里數換左港龍機票，時間幾好唔太早，去到日本大約3:30，仲有半日玩。

其實籌備好痛苦，因為坊間介紹九洲的旅遊書唔多，惟有再睇多D Blog 來輔助下

旅程安排大約如下

第一日：福岡機場取車－－＞天氣好就去舞鶴公園睇下有冇櫻花，天氣唔好就去Marinoa City Shopping －－＞鐵鍋餃子－－＞屋台－－＞酒店

第二日：漁福食堂早餐－－＞伊萬里－－＞有田－－＞豪斯登堡（宿豪斯登堡）

第三日：御船山樂園－－＞長崎文明堂－－＞長崎海港午餐－－＞雲仙地獄（宿雲仙溫泉）

第四日：島原鯉魚街－－＞坐渡輪去熊本－－＞熊本城－－＞黑亭拉麵－－＞上下通（宿熊本）

第五日：鹿兒島水族館－－＞仙嚴園－－＞屋台村晚餐（宿鹿兒島）

第六日：飫肥－－＞青島神舍-－＞鬼之洗衫板－－＞日南水產燒海鮮午餐－－＞宮崎市閒逛－－＞軍雞隱藏晚餐（宿宮崎）

第七日：西都原古墳群－－＞高千穗峽－－＞阿蘇道之駅－－＞有時間就再去草千里（冇就唔去）－－＞（宿南阿蘇）

第八日：果園摘士多啤梨－－＞九重花公園－－＞黑川（宿黑川）

第九日：日田－－＞由布院（宿由布院）

第十日：別府地獄－－＞魚市魚座燒海鮮午餐－－＞如果有時間去杵築（冇就唔去）－－＞福岡（宿福岡）

第十一日：上午福岡行街，下午就返香港Lu ~~~咁就十一玩玩喇

而家係TOYOTA RENT A CAR 租左部混能車，係TOYOTA係貴少少，但勝在大公司穩妥D
房全部係樂天BOOK
保險係藍十字買

萬事俱備喇!!