接近 30-45分鐘先過到關及取行李，出左關見到呢個公仔，就正式開始旅程喇~~~~
我們係TOYOTA RENT A CAR 租左架混能車，去到搞左好耐，原來我們訂果架車款冇，要換另一款，但性能同價格都一樣，咁就冇所謂喇，回來後我先現我原來冇幫我們架戰車影過一張相~~~~搞完一輪出發去舞鶴公園，我們錯過左個停車場入口，咁又見有D私家車停係路邊就照跟。其實天氣都仲係幾凍，我要即刻係喼取羽絨出來穿
出發前我都知係睇櫻花水尾，仲好有可能睇唔到，但竟然真係見到，對於第一次睇櫻花的我們而言真係好開心~~
由於老公好驚俾人抄牌，所以行左少少就走左lu
之後我們去左Marinoa City行左一陣，原本見旅遊書介紹話有AGNES b，但原來我搵資料唔夠,間店冇左好耐喇~~~~
之後本來想去市中心一風堂，但GPS 停的位唔見，泊好車問路人有對情侶指示我門再向前行，但只係見一蘭，唔緊要喇都試下。
日本販賣機原來係要先入錢再按制
味道確實唔錯唔會太咸
之後返酒店泊低架車，我們住西鐵 Solaria 酒店，11000日元一晚，不包早餐。
酒店地理位置好，價格實惠。房間可以。
但若是自駕我們不建議住此酒店，他們的停車場太難搵，去到酒店門口，看更伯伯俾左張地圖我，我們試過但冇可能搵到。
結果我們再駛返去酒店我上接待處求救，個男仔英文唔係好得，佢又俾同一張地圖我，我同佢講我試過但搵唔到，結果佢落樓上車幫我們導航。條路真係好難搵又唔覺眼
之後我們出去搵屋台食野
原本見到間炭火燒，但冇位。
去左最右手面果間，入面真係幾擋風雨，仲有少少熱添~~~
叫左餃子、燒螺、關東煮同啤酒，共2150日元
呢間D野幾好味
跟住再去原本冇位的炭火燒
叫左串燒、見人地食牛肉我們又跟住食，啤酒同清酒
野食呢間就一般，但好有氣氛，個老闆係咁搞氣氛。
我們見旁邊姐姐飲杯透明熱野，我老公仲話係熱水，我話係清酒。結果我問下人地飲緊乜，真係清酒LOL
佢仲推介我們，原來又幾好飲，甜甜地，唔係辣架~~~不過好上腦
走果陣太大雨，冇同個檔位影相
返去酒店沖涼，發現左件事，佢地塊鏡到面個位有特別抹過，唔起霧架~~
之後幾日都係咁，我先知原來日本酒店咁細心，之前係北海道都唔覺有咁既細心位
如是者就完結左第一日LA
沒有留言:
張貼留言