我們一早出發便去福岡市漁市場的魚福食堂，食早餐
魚福食堂的電話GPS找不到，要入 0927116339漁市場電話
早上非常大雨，且十分寒冷
食堂位置非常好搵，而且食物分量大，價錢便宜
最後都食清晒大部份
之後我們去了市場門口的郵局寄了牛腸火鍋明信片回港
跟進我們便出去伊萬里同有田
因為我真係好鍾意買碗、碟架
伊萬里電話：0955232111
中途經過一個道之駅，買左柑桔同士多啤梨
士多啤梨超甜，而且真係好抵食呀~~~
去到已經冇乜落雨，環境感覺唔錯，但D碗碟都幾貴，而且唔係靚到我覺得好想咁辛苦搬佢地回來。
之後再去有田，沿途風景唔錯
連公廁內都有有田燒
價格亦不便宜，但終於有野睇得上眼~~~D花碟係手繪，D花又好清雅，我記得大約2700日元一隻，買左少少，我最鍾意係佢碗內外都有花
跟進出發去豪斯登保LU，去到大約2:45，當晚我們住係入面既阿姆斯特丹酒店，包自晚餐、早餐同兩日入場券，咁就59200日元，係有DD貴我之前都有D掙扎，但真係值~~~~~
去到已經完全冇雨，仲要有陽光 VERY GOOD!!!!
入場已經覺得勁靚。
大家係咪發現我們未食午餐呢?! 定係食左冇講?!係未食呀
個時候勁肚餓，我老公話要野先，我答佢好LA我們一邊行入去一邊找東西食
哈哈~~~~~結果我們邊行邊玩埋魔迷宮、立體館先食野，途中經過賣長崎蛋糕的店，有很多不同蛋糕試食，但全部清空，到晚上我們行過見佢已refill,全試過一遍，我發現原來我幾鍾意佢濕潤的口感。但係果度冇買，想明天去長崎先買。
魔鏡迷宮幾好玩，立體館真係太細了
之後突然見到有牡蠣小屋，即刻衝左入去，炭烤生蠔~~正
我們仲點左牛舌，都好好味，但生蠔真係好新鮮，1500日元1KG，抵食!!!
個店舖姐姐教我們先將平的一面燒，大約一分鐘可以取上來割開一面殼再燒，我們發現一分鐘後部份蠔會自動開左少少殻，可以割，但有部份卻燒好耐都唔會架，但你見佢出水都一樣可以割。如果唔係係咁燒會爆架
食飽繼續玩!!!!行過洪水館，就開場排隊入場玩，原來D日本人唔鍾意坐第一排架。我們輕易坐前排，氣氛效果幾好
之後再經過恐怖區，其實我一都好怕玩呢D鬼屋，但之前見有BLOGGER寫佢地一家四口玩過喪屍館，話最唔恐怖好似打機咁，我見佢D 細路8、9歲都OK，咁我應該都OK呀，而且我唔玩我老公好無癮~~~
嘩~~~~~但係我入去等緊已經勁驚，仲要真係得我們兩人。我行左少少已經勁想走，過左一關開門鎖，入左間房已經有喪屍係地下，我成日驚佢會郁，點知郁果個係我後面呀，嚇死我喇，我只能夠發出絕望的尖叫，跟住係咁拉我老公走去消防門話要走~~~~呢個時候喪屍又出現，我話我唔玩要走，佢望落好似嬲嬲地，但都帶我們坐升降機走~~~~
自已攞來嚇自己一輪後，返酒店定下驚先
酒店真係好靚呀!!!!!!
窗外景色
跟住去食酒店自助餐，食物選擇多，有和牛鐵板燒，而且好好味，有杯野飲送的，D雪糕都好香滑，滑~~
跟進出去影夜景，好靚，但真係好凍，有羽絨都唔係好頂得住，見人有冷帽都好想自已都有頂。果晚手機顯示得12度
佢夜晚個3D燈光SHOW幾好睇
之後我們去左海賊王館，幾得意
之後上左高塔
坐埋摩天輪，要俾錢但我未坐過所以照俾
跟住影花花夜景
同再係太鼓同酒店門口再睇3D SHOW，佢D 節目真係好密
其實當時只係9點幾，真係太凍所以要返房
之後係 11點左右，聴到條街好嘈，原來係花車巡遊，但我見觀眾只有少貓3幾隻，大部份人都走左，仲有唔少人應該係房睇，因為我見巡遊D人向房揮手，其實咁少人睇真係好浪費佢地D功夫，唔怪得佢蝕錢喇~~~
第二日就咁精彩完結~~~~
沒有留言:
張貼留言