一早食飽飽便去左睇海賊王隻船，我們都不是FANS 所以隨便睇下便算
之後行去荷蘭宮殿，要俾錢入場，但我就覺得非常一般
再上多次高塔，影D日景相
用模型效果真係好得意
本來想玩完繩網挑戰再玩飛索同睇芝櫻
但後來只玩左繩網挑戰
3米是免費的，但我係香港成日同d细去玩但自己未玩 過，所以俾￥1000玩 9米，冇得帶相機上去，但其實6米同 9米係同一條路，玩完 6米再行去 9米。我每個挑戰都要我行完先俾我老公行，因為佢一行，d繩搖得好緊要。
最後係 6米我玩完呢個車輪陣就決定我們要完結呢個活動，因對手完全冇晒力~~~~~
之後都放棄埋飛索同芝櫻
離開豪斯登堡，我們落去長崎前，順路看一看御船山樂園
tel:0954233131
本來想放棄唔去，因為去左長崎就會冇時間觀光，但好彩有去咋，個景好靚~~~
佢個設計係慢慢行入山的，你未行到入去係睇唔到個景。
一路行都有d櫻花同杜鵑花開得唔錯
我老公行先，轉左個彎突然見到個景，佢由心咁讚嘆左個「嘩」
我見到個景都覺得要屏住呼吸，但睇相冇果種震撼力
之後再落長崎海港食海鮮，果度有幾間食店，我們去左長崎港
d 野食好新鮮，其實我懷疑係有兩間叫長崎港的店，因為我見過有人post d 相係唔同樣
第一次食新鮮的魷魚刺身，肉質同平日的好唔同，好爽口，但未至於話好鮮甜令人一試難忘果種，D腳我們叫師傅做埋刺身，D吸盤吸住條唎好得意
食完，真係冇法觀光就要入雲仙，因為約左5:30家族風呂，條路真係要行1.5小時，其實路唔係長，但好多車又行得慢，得一條路，入左山區好好多，因為冇晒d車，但條山路真係好頭文字D，好多手臂彎。
途中經過見到個地方名好得意，叫有喜
今晚住雲仙宮崎旅館，38880日元，一泊兩食。另加4000加左龍蝦剌身~~~
一去到已經有接待員出來拿行李，替我們泊車
係大堂有welcome tea
上房仲有，我杯茶好香，但係熱既，我就諗住浸完溫泉上來涼左先飲，點知上返來就收左喇
個住宿plan，包左45mins 家族風呂同埋一件免費借用浴衣
家族風呂相
浸完就出左佢地個庭園影相
跟住有個男人出來，係咁攞住我們部相機講日文，我們問佢是否no pthoto? 佢又話OK，但都唔知講乜，我們問佢是否幫我們兩個人影相，佢又話No, 跟住又One。結果真唔知講乜，佢都放棄左，最後幫我們影左張合照，示意我們有需要可以去COUNTER找佢。之後我們估，佢可能係想幫我們逐個去花園D景點影相~~~~
返上房已擺好晚餐位(都收左我杯綠茶....呜....)
係房影左D晚霞相
跟住就上晚餐，我們兩公婆一向好大食而且我們晚餐唔食飯的，成日驚係溫泉酒店會唔飽，初頭有諗如果真係唔飽就破戒食D飯，點知飽到上心口。
龍蝦刺身原來都唔甜既~~~同蝦刺身一樣，都係煮熟好食D
甜品個士多啤梨凍好好食~~老公唔食，我可以食埋佢果份
好細心咁床都準備左睡衣
沒有留言:
張貼留言