16年日本中部北陸紅葉自駕遊-DAY 8宇奈月黑部峽谷小火車、金澤 27/10

27/10(四)

一早起來，早餐很豐盛，但由於趕著坐小火車，怕遲到所以沒有時間慢慢拍照了

我們先把行理寄在櫃檯，車亦停在酒店停車場，便行過去火車站，我們乘的是7:55的列車…很早呀…但因為不想太晚才到金澤所以沒有辦法….搞到今早6:30便起床，7:00落樓CHECK OUT寄存行李，7:40離開酒店，7:45到車站，真係好緊張，好似打仗咁。我自己都唔鍾意咁，好怕會錯過時間，如果去日本不是自駕而是坐火車同巴士，真係唔適合我們，想懶下床或者突然改變一D野都唔得

終於上左小火車了~~~~

這一卡只有我們和一對日本女性

車中有暖氣，啱晒怕凍的我，座位是沒有劃位的，只有列車编號，所以人多時記得一定要選右邊的座位，因為景色都在這一邊，最後一段雖然是左邊景色，但只有很少的一段。

不用擔心車窗影響拍照的問題，因為車窗是可以拉下來很多的。

其實小火車D座位都幾窄，如果坐滿四人都幾會逼

由於只有我們四人，所以我們可以隨時點坐都得，影相又可以影下左影下右，鍾意隨時起身影又得，唔怕阻到人。

我中途已經見到前面冇窗列車D人凍到縮埋一舊

到達山頂櫸平站時，覺得氣溫好凍，我買的是來回票，需要到票站取回程之車票，我同老公講好擔心回程我受不了，不如加錢改乘有窗車卡，我估老公想體驗下無窗的列車，所以佢話一會兒太陽出晒來便不會凍。咁我只好仍舊取回無窗的票。

我們在山頂行了一會，去到食人岩便折返。

行左一會我都覺得暖暖地，但返回車站時我都是有點擔心，再同老公講我擔心我受不了，但老公仍然表示應該沒有問題。

火車一開，我便覺得超級後悔，我應該堅持的……..D風係咁吹，我已經戴左冷帽但都頂唔住，我要拉埋外套頂帽，拉盡條拉練先頂到，但全程都超難受。我老公話俾佢件外套我，但我唔想佢都病埋，所以堅持冇問題。

睇下佢幾瀟灑

我就外星人咁款

有對頭列車經過時我都唔敢抬頭望人

我們回程時，見到對對頭上山列車差不多都滿座，他們便不能像我這樣一時左一時右拍照了

大約11:20到達車站時我先到月台上洗手間，果一刻坐上暖暖的廁板上感覺好感動….

於車站手信店買左火車俾家姐個仔做手信，大小都係￥1000，另外買左兩包小米，精米真的是好食好多

                                             

之後返回酒店取回行理及取車，上車第一時間食包感冒藥先

之後出發去金澤近江町市場　TEL: 0762311462

　

大約1.5小時的車程，大約一點多到達

中途經過一個休息站

個洗手間D擺設好靚

沿路幾好天

我們便開始海鮮午餐

生蠔老公話好新鮮，海膽我自己覺得都唔錯， 扇貝刺身都好鮮甜

之後我們買左隻蟹，呢隻係凍食，佢地又幾老實，見我們睇大隻既蟹便叫我們買一隻少左一隻腳的，便宜很多。￥7500

老闆話係店企係度食又得係商場下面坐低食又得。係佢地處理緊隻蟹時，老公行落去巡視，佢話下面得一張檯咋喎。處理完我們表示想在店面食，但老板話帶我們落去，結果落左去應該似係food court既地方，仲叫人讓一讓，讓我們可以一同坐。如果唔係佢帶來的話，老實講我同我老公真係唔敢落來食坐係呢度食。

隻蟹真係甜到爆，其實頭先吹親有少少唔舒服，但實在太好味，所以都食左唔少

之後我買左一串青印提子，又係秒殺．．．．

跟住就去行下金澤老街

我們將車停左係烏雞庵東屋茶街旁個停車場TEL:0762556339

我本來想買金箔雪糕，但老公話金箔唔消化唔俾買，算喇，橫掂有少少唔舒服

我們覺得麻麻地好行，因為鋪頭賣D野都差唔多

但我家老細又話金箔唔消化，自己又買左一大堆送俾人囉

係路上見到有人結婚，仲有攝影師在拍照

之後我們便返回金澤的酒店了，今晚住宿Dormy Inn，￥19390　　　

再食多次感冒藥便出發往對面的商場FORUS行街，只是五點多六樓果間出名的迴轉夀司已經在排隊，好厲害～～～老公唔鍾意排隊所以唔考慮

跟住行行下無印良品，我覺得超唔舒服，又想暈又想嘔，我坐左係梳化叫老公自己慢慢行，佢超鍾意行無印，跟住佢番來發現我唔舒服，我們便係商場搵左個地方坐左陣。坐左陣我覺得好Ｄ就去酒店旁間屋酒食野

食完去行金澤站商場，食多碗拉麵同餃子

之後便返酒店了

最愛Dormy Inn是因為佢豐富既早餐同浴場

佢戶外浴場都算幾大，起碼容得下十個人

泡完熱水便上床瞓