16年日本中部北陸紅葉自駕遊-DAY 9白山超級林道、白川鄉 28/10

28/10(五)

不用趕搭車，感覺實在太好喇！！！而且感冒都Bye Bye喇

一早起床先去泡個熱水，今天明顯凍左好多，而且戶外池有少少天井效應，好大風，但咁仲正，因為塊面涼浸浸，個身又暖笠笠喎。

泡完熱水我們便去食早餐，一如其他Dormy Inn 超多野食

之後我們去金澤站上面有間超市，再買香印青提，由於是隔夜貨有8折，但仲係好新鮮完全感受唔到隔夜的感覺，只係￥1710，抵食，又係一陣就食晒........

返酒店退房後，我們便出發去白川鄉，今天只有一個行程，就是白山超級林道，是一通往白川鄉的觀光山路，雖說是山路但路況亦十分良好，不難駕駛。

由於直接輸入白川鄉住宿地點GPS所提供的路線冇一條是經白山超級林道的，所以我們便輸入林道的起點中宮展示館的電話：0762567111

至於展示所是展覽甚麼的，抱歉真的不知道，我們去到只是去洗手間並沒有入內參觀

到達中宮展示前，我們經過一個公路休息站，但只是十一點多，太早唔想食下午住。

呢種菇好得意，菇身油亮亮咁 ，唔知係煮過定係天生嘅呢?

離開中宮展示廳後便是白山超級林道了，我們買了來回票，因明天亦想再由山路離開，享受多一天美景

沿路除了很多的指定停車場外，亦有不少可停下車的路肩，其實段路不長，但沿路走走停停，一路便玩了兩多小時

原來用望遠鏡睇好得意架，D紅葉望落去好似睇幻燈片咁架

但好可惜，去到最後一段開始落雨，最靚果段實在無辦法影得到佢既美感，惟有寄望明天喇。

去到白川鄉我們先上城山展望台，但下著雨實在沒有甚麼美景可言

那兒之餐廳放著牌子表示滿客，我們先將車泊在晚的住宿地白川鄉之湯，接著便行入村中找餐廳食飯，當時已經是兩點多，哈…點知今次大鑊了，一間是日休息，其餘的都是過了午飯時間不招待客人，惟有先買些燒團子、牛肉餅、牛肉包、牛肉串同甘酒頂下先。

返回白川鄉之湯問下有冇餐廰，答案係CLOSE…..只好去便利店買杯麵，早兩日先同老公講搵日試下日本杯麵先，點知就係而家….

返回酒店時我們的鞋都濕了一半，還要放入LOCKER，因為佢全店都是要赤足的

真係蠢到死，後來睇地圖原來道之站好近，早知駕車過去

白川鄉之住宿最初有些為難，因為我們不想共用浴室、廁所，亦想要多些私人空間，但又想係白川鄉過一晚。還好俾我發現白川鄉惟一一間酒店，白川鄉之湯，而佢只有兩間房是有自己浴室及廁所，今晚住宿￥34400

景觀非常良好，房間空間感十足

於房間內之介紹簿見到可以增加之牛肉量，我們商討後決定加一人份，因為怕食唔晒，我便落去同櫃台講，佢仲問我係咪只加一個，點知到晚餐時我發現佢誤會左，以為一個唔要牛……..(好彩唔係損失，因為D 牛冇乜牛肉味)

 我們先去泡溫泉，溫泉的景觀便是同房間一樣的，但要透過竹縫之間睇

有中央休息區

上樓休一會便是晚餐時間

食物一般，沒有甚麼驚喜，個甜品反而好驚喜

本來決定在白川鄉過一晚是想拍星空加白川鄉屋仔，但整夜都在下雨，所以沒有辦法，只不過係九點多，都只好早早上床瞓