一早起床洗泡個溫泉再去食早餐，我們應該係最後去食早餐果間房，D日本人真係好早
早餐以日式為主，我一向食飯做早餐對我而言冇問題，老公就有點困難
退房後，我們行過去紅葉谷公園，見到鳥居已經退潮，但我們不想行落去，對神舍亦沒有興趣，在附近拍照後便繼續行，不過果度D鹿都幾多，真係三五成群。
紅葉谷公園最靚便是這條橋景
由於見到紅葉不算多，所以便沒有坐纜車。之後同樣坐JR船出番去。
碼頭又再與鹿偷拍
可能是星期日，宮島周圍都超多人，而且出去時，見到不斷仲有好多人潮湧入來。
出去之後我們就去CAINZ 睇家品同買兔糧，TEL0822765000
佢真係幾好行，買左小小家品，同埋一大包兔糧2.5KG￥500 有找，抵到爆炸，抵過係碼頭同佢地買超多，仲買左小小兔仔零食。之前係AEON用￥120買左個椰菜，仲買埋蘿蔔夠晒貨餵兔仔喇
午餐係果度FOOD COURT 搞掂，叫左炒麵同拉麵，個炒麵咸到爆
見到賣蛋糕好想食，買左兩件係FOOD COURT食，味道不過不失，未至於好好食
跟住就鴐車去忠海碼頭，坐15：15班船
買票我有點困難，因為我們今天先去大久野島，但明天再由大久野島去盛港，但買票機上又沒有這個選擇，結果要問旁邊碼頭小店嘅負責小姐，佢英文好好，佢話因為價錢相同所以照按多次由忠港至大久野島的票便可以。
船程非常短，到達後碼頭有酒店接駁巴司機在等候，我們表示會在酒店住宿他便會等我們泊好車及取行李便上巴士。
酒店較舊，但都沒有所謂，最緊要玩兔仔，而且都有大浴場，房間看到海及兔仔
放好行李便出發同兔仔玩
真係好多兔仔呀，而且佢地仲好熱情～～～～
我們發現佢地都幾嘴尖，碼頭賣果Ｄ切開一片片嘅菜佢地唔太食，鍾意食新鮮多水份嘅，而且果日可能多人餵菜，我們發現佢地鍾意食糧多D，我們一攞糧出來佢地就唔食菜喇
而且佢地都唔怕人可以任摸
就係咁同佢地玩、影相，玩到晚霞都出來
就係呢個時候，玩玩下我突然發現唔見左個電話~~~
天又開始黑，草地又大，我都唔知點搵番個電話，即刻叫老公上房攞番佢個電話打俾我。係佢未返來嘅時候我醒起，為左避免嚇親兔仔我將電話較左靜音~~~~~
我癲左咁係草地行來行去，周圍得番一個日本人~~~我真係覺得冇可能搵得番個電話，俾人執番既可能成都好低
老公落番來話照打試下，個螢幕可能有光~~~~光乜鬼吖，我個電話有套架~~~~
我突然諗即管試下有冇人執左，走入酒店問，原來真係有，真係想喊咁滯~~~~~~
有驚冇險搵番電話之後，就唔玩喇，天都黑晒
晚餐是自助餐，好多野食，幾驚喜，以為冇乜好食，點知有刺身添呀
食飽之後，見到仲有小朋友出去玩兔仔，但太凍LU，所以我唔出去玩
D兔仔掘到周圍都係洞，我老公好搞笑，責怪D兔仔話佢地掘左咁多又唔用~~~~
沒有留言:
張貼留言