一早起床先去頂樓浸下溫泉，出門時發現房門外掛非常細心地著當日之報紙
男女浴池已經互換
之後便去食早餐，食物選擇很多，而且都好好食
早餐後本來想去Hirome市場，我們係外圍望左陣覺得冇乜特別便走了。
之後出發去大步危，車程只是一小時左右
大步危我是用MAP CODE的 357181047
也是我們於幾次日本自駕第一次用MAP CODE，感覺好神奇，輸入後螢幕竟然出到大步危，我還以為只會出現一個指標
離開高知時我見得半缸油，便提議老公要入油因為要進入山區，他表示不用因為夠用。
到離開高速快進入大步危時，我再表示要入油，老公堅持唔入。我真係完全唔理解~~~~
仲有大約20分鐘到達大步危時，見到路口有一對外國情侶笑晒口咁截順風車去大步危，老公問我車唔車，我咪答佢緊係車喇。
經過以上討論，所以我們部車是過左佢地少少先停低，一停車我同老公第一時間係落車整理後座，因為第三個喼放左係後座，仲有少少雜物，反而唔記得叫對情侶過來。
所以對情侶尷尷尬尬咁走過來問我們係咪車佢地，哈哈~~~
我都同佢地解釋因為部車太細，所以要先整理一下，望下佢地有三個背包都驚唔夠塞。在佢男朋友幫手下，成功將D野同佢地塞入後座，我中途偷望佢地，佢兩個又高大，逼埋係一個半位上，我都有D唔好意思。佢地係咁話OK。傾傾下佢地原來來自法國，係日本全程靠截順風車，佢地話都幾順利，我都想信係，因為日本人見佢地外國人通常都會幫手。
到達後放低佢地便分道揚標鑣。
之後我們便去小步危
可能個MAPCODE唔係太準，其實我們都唔太肯定到左未，見冇乜野睇便折返去大步危附近食午餐，餐廳出面景色真係好靚
點左兩個餐，味道一般，又唔係唔好食，但又冇特別囉
我們就食飽飽喇， 跟進就定位去U形山谷，行左一段路後，我老公突然表示想入油。一早叫佢入又唔入而家邊度搵油站俾你呀！！！！！
部車得番幾格油，係GPS搵最近油站，原來1.5公里外有，咁就調頭出去喇，點知好野～～～油站今日突然休息，惟有再出去喇，差唔多去番接兩個外國人果度～～～～～個天玩我們又休息～～～
再出去下一個油站就好遠，我突然醒起頭先第一個油站係1.5公里，第二個係 3公里，冇理由咁遠，所以我估係入番U 形山谷果邊會有油站，於是調頭再返入去。
果然係剩番一格油之情況下到左油站，而且係有開嘅!!!
我老公真係俾我鬧到爆炸~~~~
之後便去埋祖谷蔓藤橋
果度好多遊客
之後便俾錢過橋
我老公行起來簡直係如履平地，我慢慢行都OK，可能係木條比較闊，所以先會有D驚嘅感覺。
之後買左串小食
之後便番酒店，大約四點左右，因為我們想好好歎下今晚住宿的旅館
新祖谷温泉 ホテルかずら橋
￥54000 一泊兩食，我們原本想訂有露天溫泉那一間房，但於幾個網站甚至官網都冇得訂，最後只好退而求其次，租有室內池的那一間，但也只有hotels .com才有得BOOK ，但此網站卻冇得選餐點。我其餘的房都是在樂天訂的，我覺選擇多及價格好一點。房間非常大
旅館還很 貼心地於房間有一張附近景點的MAPCODE指引
稍事休息便去泡溫泉，戶外溫泉是坐小纜車上去的
有公眾泡腳的地方
泡完溫泉，我們在山頂附近逛，原來紅葉打左燈好靚架，唔怪得D人影夜楓喇
我們6：00便去食晚餐
晚餐其實冇咩好食，淡水魚刺身亦不太討好，仲有天婦羅同鐵板牛肉、仲有燒魚同今日下午果串雜錦燒。雖然冇咩 好食但都好飽，甜品同生菓完全食唔落，叫佢唔好上。
跟住行下佢嘅小賣店
返到房已鋪好床，咁瞓床好定榻榻米好呢~~~~
結果係床碌左陣，睇下電視跟住瞓番榻榻米
咁啱電視播佢四國D祭典特輯，仲有人跳阿波舞，睇完我們覺得真係唔駛去現場睇果D祭典，睇電視仲好喇，又唔駛同人逼，睇得又清楚
如是者又一天
沒有留言:
張貼留言