小野貓生活札記: 17年日本四國紅葉自駕之旅-Day 7-四季美谷溫泉

16/11（四）

早上起床先去食早餐，餐點冇乜特別

食飽再去泡溫泉，由於冇人所以可以補影D相

佢有混浴泉，但我相信冇乜人浸

休息區

之後再係附近影下相

之後出發再去多次U 形山谷

但光線都係唔太配合

正式出發去奧祖二重橋 MAPCODE 497365049
本來有計劃想坐小電車遊山，但天氣太凍，所以昨天我已決定取消

去到真係好凍，路邊溫度計顯示得7度，我們凍到鼻都紅晒，感覺7度都無

呢度嘅好處係條橋俾左錢就任行，你鍾意行幾耐行幾多次都得，而且遊客唔多。
咁當然喇，我們只是男橋女橋各行了一次。

呢條係男橋

呢個野猿真係非常重，要係中間拉佢番來已經好嘥力，拉左番來我唔敢坐上去，主要怕佢會斷，所以放手讓佢盪番出去便算。
玩完大約十二點左右，果度有間店有湯麵食，但我們又唔太肚餓。所以決定一會在路上食。
老公一直想駕山路，今天的行程完全咁滿足晒佢嘅願望。
一路過去四季美谷全部都係山路，一路上去劍山頂。係果度望出去都幾壯觀架。

不過就出事喇~~~~~~
原來全程都冇食店~~~~
好彩有之前味天下送D餅仔同之前買D零食頂下肚。
途中原來會經過恐怖稻草人村，之前見旅遊書介紹，從來冇諗過去。因為個人感覺太似一部西片恐佈蠟像館。日頭經過心裡都有毛毛的感覺。

終於去到大轟之淹喇~~~~
係幾靚嘅 ~~~~~~

去到四季美谷溫泉都兩點多，餐廳都有人剛入席，可見附近都冇乜食店
四季美谷出名食鹿肉，之前我們係鹿之湯試過，但上次的煮法讓我們覺得肉很韌，最後都要吐出來。
但這兒餐牌圖片拍得很吸引，所以老公還是點了鹿肉
原來煮法不同真的差很遠，這餐廳做得很鮮嫩，而且味道有牛肉的感覺。，果碗好似燉牛腩嘅野，相信都係鹿肉，通常呢種做法日本都係甜甜嘅，但今次係正常嘅~~~好好食

我就點了魚生飯套餐。

埋單時見收銀旁有蕎頭，我示思想買，收銀嬸嬸表示那是抽獎禮物。而我們食夠三千幾可以抽三次。
YEAH~~~食飽飽有得抽獎，本來抽中二獎係入浴券兩張，但由於都會住係度有得浸，所以我就想換便宜的農產品，本換蕎頭，但佢話唔得結果想俾六個好似柚子嘅東西我，我是但要左兩個，聞起來好香，但酸到爆。
最後我自己都買左包蕎頭，原來店內係有得賣架