由於之前一日睇天氣預報見今天上午應是下雨，加上我們小豆島沒有太多地方想去，所以今天便睡晚一點才出門。
先去食個靚早餐先，早餐選擇好多，好豐富
食飽便開車過碼頭，買票的手續非常順利，上船後，便上上層搵位坐，打下機上下網，一個小時之船程很快便過去。
落船後碼頭有當地小學生在老師帶領下歡迎遊客，很可愛~~~
之後我們便出發去醬油廠，TEL：0879820666 ヤマロク醤油
我們選擇這一家是因為見過香港精米所有出售過這醬油，這家店向來無寶不落，故我們決定去見一見佢真身。
最後試味後，我們買左兩支鶴醬鼓油。
之後便出發去寒霞溪，我們整個行程最期待的地方。
途中景色很漂亮，日本天文台真係幾準，中午過後真的只是多雲。
我們選擇先坐纜車上去，，之後再駕車上去，欣賞不同的沿途景色，可惜當仍有雲霧。
上到山頂先食午餐
老公話個麵幾好食。
之後便去買些手信，山頂D雲霧係散左D，但都仲係好大，直情有仙景FEEL
係觀景點乜都睇唔到
我們玩左陣便決定坐纜車返落去，都幾多人排隊，我們剛好排第三四，纜車一到D人落晒之後，D 日本人竟然爭先恐後推上纜車，有對日本年青男女仲撞開我們，係日本真係第一次。我們好肯定佢地係日本人，因為全車對話都係日文。
纜車景色真係爆靚，而且比上來時雲霧突然散左好多，甚至有太陽，咁又難怪連日本人都咁冇禮貌。
仲有影片
係山腳纜車站都好靚
我們再駕車上多去一次，果然係山中係不及係山頂高空望落去咁靚
上到山頂最頂端果段，D 雲霧仲未散~~~~
咁我們就隨意係小豆島周圍遊車河
之後便返去今晚住宿的Resort Hotel Olivean Shodoshima（小豆島奧利維亞度假酒店）酒店官網
一泊兩食￥45360
去到剛好黃昏，係房望出去真係好靚
房間寛闊，是有一點小舊
我們先去泡溫泉，佢有戶外池，但當晚都幾大風，一出去就俾風吹到好凍，因為佢落水位較淺，但都要即刻泡落去先再慢慢爬去水深嘅 地方，我見之後出來嘅人都係咁，無一幸免。
之後便去餐廳食自助餐，呢間酒店係咁多餐入面最多野食果餐，真係超多而且全部好食，供應又源源不絕。忍唔住好失禮咁 用手機係咁影，佢仲有即炸天婦羅、手握壽司同煎牛扒檔，但由於廚師係度，所以都唔好思意影相。
牛扒質素好好，我們攞 左幾轉
佢呢個燒鰹魚好食果之前果間酒店好多，唔會有鯹味
魚生船，好大方咁任夾，而且有成十種刺身咁多
我懷疑佢地將島上面嘅鼓油都搜羅左返來
仲有一個叫兒童角 ＝煎炸野食~~~~~~
呢餐我們簡直好似去左樂園咁~~~
返房時已鋪好床，去泡多次溫泉便瞓覺lu
沒有留言:
張貼留言