為遷就大潮日子，今天便變成大移動日
早上去浸溫泉，早上戶外很都有點風，所以都沒有出戶外浸
暖昱昱去食早餐，要在餐廳外等候一會安排入座，怪不得有一排長長的椅子。
早餐依然很多食物選擇，佢有種山雞蛋，個蛋黃好香，襯飯一流。
佢部咖啡機壞壞地，我幫我老公沖佢杯咖啡搞左好耐，搞到都冇心機影相。
由於見天氣幾好，我們再駕車上山頂，而且係酒店過去都好近
再落鳴門
期間有段小插曲，部車嘅 GPS 唔識得叫我們落高速去鳴門公園，結果我們上左鳴門大橋，大潮時間應是12點多至兩點多，正值1點，車行在大橋上亦見到橋下之漩渦，不過橋上亦非常大風，部車又輕，直情有點搖晃。
當日由於大風，所以船公司只開大船，我們買了頭等座位，人少拍照不會擠來擠去。坐位都很舒適
我覺得大船都很好，都是開到漩渦旁邊，不過很難拍，漩渦一下便過去了。
落船後我們去了鳴門公園食左碗熱熱的烏冬，當日實在太大風太凍喇，而且都開始天陰
之後都冇上鳴門大橋，特別遷就大潮而看的漩渦，實際看過反而覺得一般
接著我們便出發往倉敷，今晚的落腳點
途中經過道之站，我們再食點東西
雞腿很一般
兩種味都想食，但只食得落一支~~~~~~最後揀左牛奶味
呢個雪糕好好味
今晚往宿我至我的Dormy Inn 倉敷￥14990
官網
先去泡個溫泉，成身暖昱昱，之後便出去晚餐
食我至愛嘅燒牛肉
牛肉好好食，又一餐飽到上心口
沒有留言:
張貼留言