由於上次玩running man館老闆都幾鍾意，所以今日去埋智勇迷宮，之前果晚係KKDAY買票
佢係鐘路三街站同鐘閣站之間，我們選擇係鐘閣站行過去。
原來鐘閣站11號出口有條地下街，爆好買，半截裙竟然係W3900一條，即係$30港紙左右，S碼特價W10000 三條，仲有連身裙都好抵，買到傻左~~~
買到大包小包咁去到，LOCKER是免費的，但我們太多野，所以佢俾左個大袋我們裝住。
呢個迷宮都幾好玩，如果再大D 就Very Good 喇
4D 館我們冇去，老闆覺得有D 無聊，之後係附近行下，但D鋪間間都係賣差唔多嘅遊客野
之後我們去新村食站著食牛肉，本來好大期望，因為真係未見過人話唔好食
但都幾失望，佢牛味唔濃，其實好味係食佢嘅醃醬味同點嘅蒜味醬汁，即係似BBQ 醃左嘅 牛扒~~~~
食左幾日蒜頭我們發現韓國蒜好香，呢排街市賣D蒜完全冇蒜味，又唔香又唔辣，剛好地鐵站有超市便買一包返香港W6000都唔係平，順便俾我見到有人參雞湯包，掃左幾包同埋買左包辣椒乾。但由於老闆係地面等我，搞到我唔可以好好地行下超市，首爾樂天超市已經因為老闆好攰，又唔想坐地鐵幾日都CUT左冇去到，真係好遺憾~~~~~
之後便坐的士返酒店小休，跟住出發去睇JUMP 功夫SHOW，地點非常易找。
票都是之前係香港經KKDAY 買的，我們買左VIP 席@$294，去到取票，我們坐第三行正中，高度同距離非常好，而且我們覺得坐前D睇埋佢地表情係會爆笑D。
套劇好好睇冇悶場，而且我們鍾意睇功夫所以非常滿意
有個演員好似蝦頭
是日本來安排去波拉梅站食八八海鮮鍋，但老闆唔想坐地鐵由乙支路3街坐成40MINS地鐵去實在有點遠，的士又怕司機唔識，所以經商討後放棄左，老闆食韓牛兩次唔滿意，結果我們決定再去王妃家，睇下貴D嘅 店會唔會好D。
去到明洞經過D小型超市買左D零食同一次性柚子茶、紅棗茶做手信。
紅棗茶好好味，後悔冇多買一點
跟進搵王妃家，都幾易搵，而且好好彩唔駛排隊。
本來點左牛舌同五花肉，但店員告知冇晒牛舌，改點另一樣牛
同樣點左米酒、 菜幾好食，仲要係我最愛嘅炭烤
牛肉，五花肉幾香，有牛味但都係果句，唔係令人好驚喜果種。
再次失望而回~~~~
我們返去東大門買豬手外賣，同埋買左四盒士多啤梨做手信，韓國士多啤梨真係好抵，W9000兩盒喎，攞到返來仲好靚仔，同埋佢雖然兩層但下層唔會話壓親D士多啤梨。但係香港買真係冇咁甜。
我們仲買左盒W9000 一盒嘅即晚食，真係超大粒，甜到連個頂都係甜嘅，呢幾日我們晚晚食士多啤梨，食番夠本先得
沒有留言:
張貼留言