我們今日係去樂天世界，之前已經在KKDAY 買左入場券+五個快證+水族館
費用每人$463, 佢有任玩的快證連水族館＄1127，不連＄1068。
由於我們不是太沉迷機動遊戲，所以覺得5個快證已經可以。
如果喜歡玩機動的朋友，強烈建議要買快證，因為堅唔駛排隊，而且眼見每項機動遊戲都超多人排隊，有快證真係快好多。
我們先玩一個室內滑浪飛船熱下身，但膽小嘅我點解玩完好似唔係熱身之餘，仲有點點嚇破膽嘅感覺~~~~~
跟住去玩我最鍾意嘅 碰碰車，但我部車壞壞地LOL~~~撞左一次就唔識行~~~~最後老公係後面撞我一次部車先行得番。而且我覺得佢速度唔夠海洋公園D車。
之後我們便外出去戶外部份，見到戶外條河結左冰，我們覺得好得意~~~~
我本來訂左個偉大嘅目標俾自己要玩跳樓機，去到見到兩座，老公話玩最高果個，我反建議先玩矮果個先，去到剛好剛安排了一批參加者玩，我們要下一轉，好彩係咁咋，如果唔係我死緊。我明明見兩個女仔好開心咁傾緊計，部機突然扯高，佢地表情扭曲就發出絕望嘅呼叫聲~~我即時決定我係玩唔到，叫我老公自己玩，佢意圖游說我話D人玩得好開心。但佢地嘅 叫聲太絕望，所以佢都覺得冇可能成功。
呢部機最恐佈嘅地方係佢會突然好高速咁抽高，我老公不嬲都大膽，佢玩完落來都對我擺手話我玩唔到，因為佢都覺得真係有D驚。
之後佢話玩個低級D，係一個圓形飛碟好似海盗船咁擺嘅 ，不過唔同在於佢都會兩邊擺，我見都有細路排隊覺得應該ok，但我真係唔係好ok，人地未開始叫我便叫，人地叫完我都未停，我老公係旁邊係咁叫我細聲d。
之後佢想玩高果個跳樓機，但唔知點解停左冇得玩，可能機件有問題。食左條熱狗之後，佢玩左個圓形個一邊轉一邊海盗船式擺到好高嘅 機動遊戲，剛開始時佢仲串咁 向我攤開雙手，示意冇料到，玩完落來 話差d反胃喎~~~~等你食熱狗吖喇
所有快證都玩晒，我們便去水族館，水族館係商場入面，我們便去FOOD COURT 食野，我叫左水冷麵，老公食辣海鮮麵，我們食得辣都覺得個麵幾辣下。而水冷麵試過便算，我們唔鍾意佢個口感
食飽就去老闆至愛嘅水族館，其實都幾細吓 ，但都叫做乜都有D
行完個水族館，我們便坐地鐵去葯水站，去老闆朋友推薦話超好好食排骨湯，其實我對排骨湯一般，但老闆超想試，而且係佢朋友推薦，就即管排落行程~~~~~~食完老闆都認同其實真係冇特別囉。
之後番酒店眠一陣，我就去左10/F歎香檳，跟進就繼續係東大門SHOPPING，我都幾鍾意住東大門，買衫真係好近
跟進去食好出名嘅五香滿足豬腳，係東大門有分店
先來一鍋水餃年糕湯，我叫老闆飲兩啖算喇，先前D排骨其實都未落格~~~~~
其實個湯係幾好飲嘅，但真係要留肚。
韭菜泡菜都好好食，我們點左米酒，老闆好歡喜
登登登~~~~~豬腳上場喇~~~
我們點左一半一半
辣個邊濃香少辣，原味真係好好好好好食
我一向唔食豬皮同D肥肉，覺得口感好肉酸，但呢個真係好味到令我可以忘記佢嘅口感。
但真係好滯，我們食左1/3 已經食唔落，見人地打包，我們又打包。
佢好食到我們決定明晚買一隻帶返香港同朋友仔分享，不愧係米芝蓮星級推介~~~
下次去都一定要打包返香港先得~~~~
沒有留言:
張貼留言