早餐於10/F 行政酒廊進食，各種蛋製品是直接向服務員點餐，他們英文都很好，所以不同擔心溝通不了。
早餐選擇都幾多，基本果汁牛奶、各式麵包，超欣賞佢西式麵包做得唔錯，亦會有韓式粥、湯、泡菜，煙肉煙三文魚腸仔薯餅等。。。
佢唔算超多野食，但我覺得都夠，因為食得太飽下午果餐會食唔落
早餐一定有士多啤梨，韓國士多啤梨一定要係本土食才會那麼甜，香港買的永遠都是有點酸，所以我每天都自製士多啤梨乳酪。
最失敗原來我冇一日有影到相~~~
得一張自製牛角包三文治相
食飽便出發去景福宮，由於天氣太凍，所以冇諗過韓服體驗~
景福宮簡單D講~~~冇乜野睇
好快行完我們便出發去running man 體驗館
坐地鐵去到鐘閣站出3-1 出口，一路直走，至第一個十字路口右轉，右手邊第二棟建築物Hana大廈地下一樓。位置非常易搵
地鐵出口扶手電梯唔知係冇開定壞左，呢個情況都幾經常出現，我們最初以為節能，但行上去都沒有開動。
館內有付費LOCKER保存衣物，之後後獲發手環開始遊戲
挑戰的遊戲好玩，但勁消耗體力，玩完第一個我們已經要坐係一邊回一回氣
但真係好難全部挑戰成功，同埋我們覺得佢地拍running man真係好辛苦。
之後便出發去永登浦食紅蟹，係永登浦站出3號出口
係永登浦路邊見到士多啤梨，真係超抵，又香又甜
去到食蟹嘅店都差不多兩點幾三點只有五六檯客人
一坐低都唔 駛講野，就上小菜好快都上埋蟹，佢個蘿蔔泡菜有少少以菜甫味，幾好食。仲可以免費自助添加，而且真係好平
蟹會有少許掉腳，但都完全唔影響佢嘅鮮味，而且全部實肉，可見真係新鮮嘅，第一盤來左五隻，再叫第二盤自動來左四隻。其實仲可以再食，但真係手軟。
食飽行永登浦地下街，唔算真係好大，但都幾好行，係度都買左幾件上衣俾老公
之後返酒店老公休一休，我就上 1 0/F 食個下午茶先
夜晚坐的士去馬場洞食韓牛，今日坐左好多地鐵真係夠晒皮
我們去左好多人推薦嘅電線杆家，果然真係比其他店多好多人，有D店甚至係冇客人嘅
我們點左個小韓牛拼盤，跟住上左一大堆小菜，個葱泡菜有少少甜嘅感覺，D青椒點解D人話唔辣，食左一口辣到噴火咁滯
生牛肝都栢葉都真係幾嚇人，我叫老公唔好食因為見過有人寫話食完上吐下瀉
但佢又好想試下，所以真係食左少少，佢話個肝超甜，牛栢葉冇味
見佢試左，我又勇敢地試左少少牛栢葉，的而且確係冇味的，而且感覺似拖過水
牛肝真係唔敢試，之後我們燒熟來食
牛湯係幾清，之後我都添左碗
拼盤來喇，好失望真係好失望，我們相信因為雪花唔夠，所以一D都唔香，亦冇乜牛味，下次一定要揀雪花位
食完呢碟都巳經食唔落，想ORDER 雪花牛都頂唔住
由於今日我係酒店見到一張首爾嘅夜景相好靚，所以臨時決定加去N首爾塔，我們坐的士去纜車站，夜晚加上半山真係好凍。
係架纜車度見到個夜景，又覺得中左伏，夜景都係香港嘅好睇~~~
上到山頂的景色只是這樣~~~~
對比我之前帶朋友上太平山頂，感覺真係差太遠喇
可能因為香港的景色比較近，感覺震撼
老公話想試下零度以下食雪糕，其實都OK嘅，不過支雪糕幾好食就真，好香奶味
之後係纜車站有的士招客，但我們唔想俾人坑，所以坐電動升降機去番平地先坐的士
咁多日，其實係得第一晚嘅的士唔肯睇錶，其他部部都得
首爾果然係不夜天，我們返去酒店附近逛Hello APM都幾好行，不過係一個要講價嘅場，佢都會主動邀請你講價，呢點我就麻麻地
最後都買左件大褸同幾條裙，歡迎試身，但佢又冇試身室，所以我有著多條LEGGING 打底
沒有留言:
張貼留言