由於香港只有HONG KONG EXPRESS有辦直航石垣之航班，故便向他們訂了機票，每人大約＄2200，兩件各20KG及25KG去程行李，回程兩件各30KG，因為我家老闆對礦泉水敏感，故一定要帶水去旅行，怎料原來買20KG及25KG都有多，可以各買少5KG。加買了＄35之優先登機真的是非常快速，寄行李完全不用等待。
是次行程都真的是安排得有點複雜，首先西表島的潛店都表示我們不會日語不能接待我們，但又想享受西表島的星空，故安排兩晚到西表島住宿，之後便回石垣潛水。由於是次旅程我們想將潛水證升級，考慮到可能會涉及很多潛水知識問題故選擇了有香港或台灣教練之沖潛，我a們亦表達想去西表島潛水之願望，他們表示加燃料費便可以。
Day 1 (9/9/2018)
這天剛巧是我們結婚十週年，如此便將此行變成結婚十週年之旅
當日上午7：40之航班，需然寄行理不用等，但食埋早餐、買埋煙，再去遙遠的登機閘口，結果係最後召集先去到閘口， 短短兩小時之機程很快便到。
先到旁邊國內航線買枝茶，便坐的士出市區，只需要20MINS，費用￥3,100，由於到西表島之船10：50後便是1：30故先到石垣島きたうち牧場 美崎店食烤肉
本來點了大MENU 中的烤肉套餐，但店員表示午餐有套餐，肉量一樣但便宜一點，便改點套餐
久違了的石垣牛..............好香、肉味好濃，而且是我至愛的炭烤~~~
食飽飽，便打算步行過去碼頭，但行左陣覺得唔對路，轉坐的士，剛巧有的士經過，車真係行得快過人好多，3MINS就到😅
買左船票，等多半小時就可以上船，買左杯Blue Seal 芋頭味雪糕，係好香濃，但擺明係香精味，而且我覺得奶唔夠，所以唔係香滑型，唔係太鍾意。係手信店見到有迷你版泡波泡盛，之前高木直子本書有提過佢產量少又好好味，所以即刻買左包試下。
1：15左右船已到可以上船，由於天氣不太好，受到其他颱風橫流影響，風浪有點大，幸好我們沒有暈船的問題。一個小時左右的船程，到達碼頭後，便見到Nirakanai 酒店酒店網頁之人員舉牌接待，確認名字後便登上旅遊巴，大約10-15MINS便到達酒店，接待員英文好好，解釋得好清楚，之後便由接待員送我們上房，我們房間在二樓
房間很舒適，我家老闆很滿意
但由於有點下雨怕水凍，便沒有到泳池遊水
到COUNTER 安排明天獨木舟及浮潛一日遊，亦已停雨便租單車到星之沙灘，單車是電動的，但我們唔識用1波上斜，一路都係用3波，踩死人。。。。
星之沙灘係幾靚，不過落完雨且冇著泳衣我們隨便踢踢水便算。但見到遠處都有兩人在浮潛。
之後番酒店休息一下便去食晚餐，我們選擇左係酒店食自助餐，食物選擇都幾多，不過冇燒牛肉。
由於當晚多雲，所以睇唔到星空。
沒有留言:
張貼留言