本來這天應是超市及街市日，但由之前已經去左E MART同樂天，所以今天可以改去睇之前想睇嘅德壽宮。
我們 昨買左麵包同飲品，係房食飽早餐後，便坐地鐵去201號市廳站，先去貞洞觀景台，出11號出口，之前有位網友描述得好清楚詳細地圖(引用自V歐妮瘋生活），如此我便不再重覆了。進入過程真係非常順利，不用疑惑。
於高處向下看真的很漂亮呢
我們亦找尋了一下一會兒該往那邊走才可以看到更多紅葉。門票每人只是W1000，進入後嘗試向多紅葉方向行，但發現原來部份地方是不能進去，即那跟本是一個樹林位，而且在高處看就漂亮，但落到地上，完全看不出剛才的景緻。
玩完一輪我們便打算在附近午餐，家姐想食紫菜飯卷，但只有一間很細的小食店有售，但入坐後表示已售完，而該店其他的食品我們並不感興趣。所以我們決定先往京東市場，再看那兒有甚麼食店。
坐地鐵於祭基站出2號出口，往前走至一個大十字馬路口，過馬路再轉左行一小段便是菜市場入口，非常易找。
在途中發現一間賣牛骨湯的傳統小店，見佢都有點歷史，而且好像都有些明人簽名，所以便進店嘗試。
就在地圖上加了標示之地方
在前往京東市場的路上，見到這個牌轉左入去
便會見到此店
店的正面
我點了牛骨湯內裡有點麵條，我都幾鍾意。家姐竟點牛膝湯，我而家先知家姐原來鍾意食D膠質物體，所以我決定當晚帶家姐去食豬腳。
個湯入面好多膠質，好膠口，我覺得幾好味。
家姐果碗W12000，我果碗W8000，我加左勁多葱入去~~
飯係好養生嘅雜糧飯，好好食~~~
食飽我們去行菜市場，我買左蒜頭，香港而家D蒜頭都唔香。見到柿乾，1kg 一包W10000，真係好抵，平過係明洞買好多，明洞一盒400G W10000，為左拉低平均價我們一人買左一包，跟住家姐買左盒巨鋒提子，有一檔W1000賣一袋仔散嘅提子，我見佢幾新鮮買左W1000，真係好好食，好新鮮，但最後一日食唔到咁多，如果唔係買多D，好食過係東大門買一杯杯嘅提子。
之後好滿足咁返酒店，放低戰利品換件厚衫再出去行街。
我們今晚去左行Hyundai City Outlet ，都幾好行，買左兩條狐狸毛頸巾，超滑，每條都只係W29000真係好抵。
之後我們便去滿足五香豬腳，順便找一找明天我想食午餐之豆腐鍋店
原本想到這一家食，但按地圖指示看來該豆腐鍋店已經關門，店鋪改為烤肉任食之店。
咁惟有改一改明天午餐的地方
滿足五香豬腳是我三次都有去之食店，佢嘅豬腳真係好好食，佢好食到連我一向唔食豬皮都會食埋佢，上兩次都有外賣帶回香港，但今次行李太爆，所以冇法帶回來與至親好友分享。
家姐表示現場即食好味過帶回香港食。
本來是不跟生菜的，但我們想用菜包著食冇咁膩，所以請店員另外給我們
對方表示只有辣味才跟生菜，我們表示願意加錢買，店長聽罷便免費給我們~~~
最後兩個人竟然可以食晒個中SIZE 豬腳，之後就返酒店執行李
沒有留言:
張貼留言