今日都係包車，之前睇天氣預報都話今日下午會下雨，但無計，好早之前已經BOOK左車。
同一位司機都是7：30在酒店門口接我們
本來計劃是一山湖水公園-楊洲NARI PARK - 南山公園，但因為天氣情況，臨時更改先去楊洲NARI PARK希望爭取時間影左花田先。
大約9：00到達，天陰都幾凍，影左陣波波草便已出太陽，又突然好熱
路邊有粉紅亂子草，但已是枯草一堆
跟住再影花田
很好彩兩塊花田都有一個位被之前D遊人踩左個凹位，所以我們可以蹲在花田邊影相
影影下突然風雲變色，個天突然黑晒仲起風，我們決定即刻走，走時係路邊等司機，但風雨都已經來左，我們對腳都濕左少少。玩左1.5小時，其實都未玩夠，以我們兩個嘅情況起碼玩多一個鐘先夠。但天公唔 造美都冇計，車程中雨勢亦很大。
火速逃上車後，便改為PLAN B，請司機車我們去永登浦區廳站嘅樂天超市，但由於我表達得唔好讓司機去錯左永登浦樂天百貨，還好兩者都很近。
去到樂天超市先到地下餐飲區搵野食，竟然見到之前想帶家姐去之泡菜火鍋店， 因為家姐很想試。我們好似前世未食過菜咁 ，係咁夾菜食，呢幾日真係食得好少菜~~~
而且試左我一直想試下嘅血腸，其實冇乜特別嘅味道。
之後我們便再去行至愛嘅超市，呢個超市係冇咁多遊客，但部份攤檔，例如新鮮泡菜區此超市便沒有，故我會推薦首爾站那一家，始終遊客要買的商品都會放在顯眼的位置。
行完超市，已經沒有下雨，還有點點太陽，便回復PLAN A，去南山公園，行下塞下都一個小時，我們係車好好瞓，去到纜車站已3：30，我們便問司機當日可否在此完結，因為網上寫明完結點一定要在酒店，否則要加錢。司機又好好，沒有收附加費，當然佢亦早左一小時收工喇
坐纜車上山頂，景色一般。
之後我們行落明洞，因為想買柿乾，但幾間超市都沒有，惟有明洞街邊檔有賣。
買好手信，我們便坐地鐵返酒店，之後外出搵晚餐食，行過Lotte Fitin後面條街見到有間店出面有海鮮魚缸，由於真的很 想食海鮮鍋，所以便走進店，點了一鍋海鮮鍋。我們想之後在街邊檔再食點東西，所以只點海鮮鍋便算。
湯頭很鮮甜，但鍋內大多數是青口，其他貝類很少。
同我之前係八八海鮮鍋食差很遠，人家呢個真係超澎湃~~~~~~佢位置又真係隔涉又真嘅
食飽我們便去行商場，AMP PLACE 多數要買兩件起，但佢D衫款同用料係幾靚，但今季D衫大致都係果D款，個人唔係太鍾意，千挑萬選揀到兩件冷衫。
之後在係街邊檔食炒粉絲(好油)同海鮮煎餅，送嘅魚片湯幾甜。
沒有留言:
張貼留言