是日係Hopetrip 包左部車9小時$1299，我格過價除左淘寶呢間係最平，而且用過都幾好，司機有禮會說普通話，唔會有其他附加費用。而且one daytour都要伍佰幾一個人，包車貴少少但舒服好多，所以我們包左兩日車
司機準時7:30到酒店接我們，我們在便利店買了麵包上車食。
是日行程去南怡島，司機表示車程大約1小時40分，最後大約8:50我們便到達去南怡島碼頭，當日上午都真係幾凍。
係碼頭只見到一團人，遊客都很少。但我同家姐策略錯晒，一邊行一邊影，去到銀杏林時已經超多人。
人太多，好似夜市咁 ，兩個無聊自拍
影影下相，我突然覺得左手好痛，好似俾野打左下咁 ，原來有粒銀杏果掉在落我手上，仲要爛左，啊.。。。。。我件白色羽絨呀。。。。我淨係識得叫廁紙廁紙。。。。同埋原來銀杏D果爛左係有陣嘔吐物味。。。。之後係路邊都聞到一陣陣，好嘔心
因為不想食春川炒辣雞，所以想係島上餐廳食烤雞扒，怎料點菜時才獲告知今天沒有雞扒。便只好離去，返回碼頭食另一家網友都推薦過之炭烤雞扒店，就在碼頭附近非常易搵，在船上己經看到其醒目的藍色屋頂(唔記得影相，借GOOGLE圖一用)
點了二人份烤雞扒，同埋一份煎喬麥麵餅
煎餅非常一般，雞扒本身有味道，唔辣，都幾好食
果時已經好多旅遊巴
食飽便上番車，等左司機一會兒，之後便去晨靜樹木園，考慮到得九小時，如果再去其他景點便會超時，而且我同家姐對附近景點都冇乜興趣。
晨靜樹木園唔算太多人，可能D團未到，環境好靚，很好拍。
用模型模式拍的一張
粉紅亂子草果然好可愛呀
買左一直想試下嘅雪糕，結果令人好失望，個餅冇特別，雪糕唔夠奶唔香又唔滑
之後便回程返酒店，車程係咁瞓，返到去大約4:45,司機話不用收超時附加費。
之後我們都係換厚衫，跟住出去明洞行dasio ，行街，我們係明洞超市再買左D野，是日晚餐係元祖安東雞，之前兩次都冇食到，係因為唔知我咁喜歡果種味，其實佢係似紅燒味，但入面又有暗暗嘅辣味，果陣暗辣先係最過癮。所以今次行程我話必定要試下餐廳嘅安東雞係咩味。
可惜家姐唔食得太辣，我們點左微辣有骨雞，佢有無骨雞選，但我覺得即係雪藏雞肉所以冇揀，真係好好味呀~~~好彩買左好多包醬汁，而家可以隨時有得食。。。。，食到一半家姐都話要配飯食先夠過癮
食飽飽之後帶住大包小包嘅 戰利品坐的士返酒店，之後家姐自已落街行左陣， 仲買埋明天早餐嘅麵包，佢真係好野
沒有留言:
張貼留言