是日行程係韓服體驗，經過上次姐妹之行，發現兩個女人仔真係可以有排影，所以是日安排左係酒店食個飽嘅早餐先，每人W10000多D，其實冇咩野食，D麵包唔新鮮，烘完竟然都可以唔係香脆嘅。不過算喇，求其隊飽自己便算
今次都係去番安國站附近的三三五五韓服租衫官網 我喜愛佢款式較為傳統，似正宗韓服多一點，那些有蕾絲的我真的接受不了。
同家姐挑挑揀揀都玩左接近大半小時有多，終於大家都挑到喜愛的韓服，由於我身量實在太少，只有151CM，所以上次挑衫後佢要俾對好高的鞋我著，而且很容易被自己條裙袢到，所以今次我們有備而來，帶了魚尾夾、綿繩，扣針，希望可以選自己喜愛的裙之餘亦以縮短它的長度。結果我揀的那條都不加工，姐姐那條用魚尾夾夾一夾便可以了。
上次揀左粉紅色
有鑑於上次4個小時原來是很趕，便租了一整天。我的是A款W50000，姐姐是B款 W40000，整頭更可以免費，仲送一張相給我們。我同家姐個頭髮佢地整得好靚呀。
姐姐本來想租佢對傳統鞋，但我極力反對，並告知她會很累很累的。後來佢影相途中都大呼好彩沒有租，因為係咁上上落落真係好攰，我覺得我們果日行左三萬步都有。
點知我條裙一出街便又差點絴到，因為裙的長度真的剛剛好，結果我們便用綿繩在胸下將裙束高一點便可以活動自如了。
我仍是選擇到昌德宮先，因為上次去秘苑已經覺得好靚
秘苑我兩次都沒有預約，唔想限住自己D時間，現場亦順利買到票入苑，兩次都是可以不用跟導賞，活動及影相都可以自由一點
上次去到芙蓉亭已經覺得對腳好攰，所以沒有再深入探究，但今次著波鞋就非常好行。
玩完秘苑我們自行轉左個髮型，家姐真係好叻呀，整得好靚
之後本來想去景福宮，但太餓而且大家都覺得影夠
途中見到棵好靚嘅銀杏樹，同埋好多新鮮葉，我便玩樹葉
結果，抵死吖，玩玩玩。。。玩得咁過癮，有沙入眼喇～～～
之後去還衫，大約是四小時多一點。租全日便不用太緊張歸還的時間。
還完衫便行過去食土俗村參雞湯，都差唔多下午四點幾
不用排隊，且入面都仲有好多人在進食
我們點了一個普通雞一個烏雞， 湯頭好濃都有點膠口，兩個湯同雞都係食唔出分別，只係烏雞小一點，肉亦薄一點而已。
本來想去埋德壽宮睇石牆路，但覺得好趕所以改一改行程，今天先去往十里E MART掃貨。上次買左包安東雞醬汁，超好味，香港買要係尖沙咀韓國街才有，而且成＄35一包，呢度只要＄10一包，所以大手掃貨。同家姐兩個人去旅行終於可以好好慢慢行下超市，（兩姐妹奇怪的嗜好，哈哈哈！！！）之後一人打包一個箱坐的士返酒店。
換件厚衫後，便出發去食飯，都差唔多九點幾，我們步行過去食我至愛的橋村炸雞~~~~~~
點左個沙律，好想食D蔬菜～～～
由於大家都有少少唔舒服，冇叫啤酒，叫左蜜糖有汽水，原來都幾好味喎
現場食真係好好好好食，我上次同今次都試過外帶返香港，但都發覺好似走晒味咁~~~~
如果香港有橋村炸雞就好喇~~~~
沒有留言:
張貼留言