自從家姐生左BB後，我們兩姐妹都好耐冇坐埋一齊食下飯丶行下街或者好好咁傾下計，加上家姐從未睇過紅葉，所以我安排左今次6日5夜賞楓之旅，請家姐好好享受一下。
20/10(六)
當日係坐Hong kong express 早上7:15的航班，真係早到噴血，好似冇瞓過咁滯
食左麥記早餐，就入閘，上機瞓左陣，傾下計好快便到
今次可能係紅葉季，定係因為同時幾班機到，入境爆多人，我們等左成個鐘先過到關。本來想坐機場巴士，w16000一個人，我上hopetrip 見訂車都只係$359,所以便訂車接送。出關換錢，係便利店買埋三文治同紫菜包飯上車食。
經過上次同姐妹首爾短trip，我發現都係住東大門果邊方便D，又唔想租間太便宜的委屈家姐，又要近東大車歷史文化公園地鐵站(東大門地鐵站外出經常要轉線，反而唔方便，所以便訂了dongdaemun.splaisir （前名東大門kｙ酒店），連稅大約八百多一晚，不包早餐。
去到酒店已經接近兩點，可以直接取房，房間位於19/F，但景觀不是東大門大街那邊，房間都叫寛闊，我們可以長時間同時打開兩個28吋喼。平房冇兩張床，一係就貴D租一間一張雙人床加一張單人床果種房，兩姐妹冇乜所謂便租間便宜一點的
換個細手袋便出發去高速巴士站地下街。
家姐一向節儉，多數於淘寶購物，去到地下街去發現價格便宜過淘寶質量又好，所以佢都大手入貨~~
我都買左唔少野，冷上衫W10000一件，仲要有款，真係超抵
本來想去波拉梅食八八海鮮鍋，但唔想家姐係寒風中等待，而且家姐想試多幾款韓食，所以改去食東大門季節餐桌，係lotte fittin 7/F, 之前已知道一定要等位，取票後獲告知7:40回去，我們便打算逛一逛這楝商場，怎料下層有幾間童裝，有間做緊斷碼二折，家姐係度又失守，我都挑挑揀揀一輪便已夠鐘返去食飯~~~
真係好多款式，每樣都可以先試一口，冷麵個湯看似很辣，完來都不是，而且幾好味。
佢有d 有味飯
有幾款粥同湯
左邊果盤係煎餅類東西
烤豬肉又是非常好食
呢幾盤烤豬、烤雞超好食
我們仲試左醬油蝦，其實即係似泰式生蝦，不過始終生冷野唔敢食咁多，d韓國人就係咁夾
蒸餃超大隻，包左成隻蝦落去，幾好食
呢個辣炒蝦超好食，夠晒辣
雪糕竟然係有雲呢拿籽嘅雪櫃，唔錯，奶味香濃，用韓國米餅夾住食又幾過癮喎
後來雪糕係有補充的
仲有D韓國傳統甜食、沙律同飲品區未有影相
食飽跟住返酒店放底D戰利品，著番件厚褸，便出去DDP睇玫瑰庭園
果晚佢有好多賣食物嘅車仔檔，但一來已食飽二來食物又唔多吸引，所以都冇幫襯，之後便返酒店。
CHECK IN 時酒店送左兩片LEADERS 面膜俾我們，試過又真係幾滋潤喎~~
沒有留言:
張貼留言