一早乘坐7:40 Hong Kong Express的班機，起了一大早真的超辛苦，但我家老闆話咁樣時間見駛D，咁就照坐喇。
飛機比原定時間早20分鐘到達褔岡機場，日本入境原來比之前改善左很多，打指模這一部份改了一系列流動機進行，故入境節奏加快了很多。
之後便去TOYOTA取車，我們租SUV 1的車，可惜沒有RAV4,車尾箱亦不夠大， 我們一到便要將後座降下來。不過混能車真係好慳油
測試車輛無問題後便出發去系島食燒蠔， 我們之前去過系島D海濱小屋，今次去的是正榮，點了一盤生蠔丶蜆丶鮑魚同埋蠔湯，海鮮全部都很鮮味，鮑魚咁燒嘥左佢，蠔湯有D咸。最後食左好好味嘅黑芝麻味雪糕。
由於今年係暖冬，11月中都仲係幾熱，燒完蠔仲熱。
之後便出發去雷山千如寺，點知上到最後200米時，D車塞死晒係路度，相信係無停車位，我見有人泊係落一D嘅路邊再行上去，但望住條大斜路，我那受左傷可憐嘅左膝叫我唔好行喇，無所謂喇，留番下次，想去呢個點嘅朋友，紅葉季時要早D來。
之後便去我們今晚住宿地古湯溫泉，本來想租杉乃家，但我們9月尾才落實旅程，故已經無房喇，大家可以睇下佢官網，佢係附近少有係山上嘅溫泉，景觀真係好好。
去到女將堅持親自將我們兩個行李箱先搬入房，我們由於剛到埗都未得閒執行李袋，幸好未買東西，行李都算輕。
安置我們於接待處後，便另有女將送上迎賓茶點，係一粒酸嘅啫喱同綠茶。
之後便帶我們去房間，一入門便見到傳說中日本家庭嘅暖桌，將對腳伸入去，真係好暖。
房間都好大，私家湯泉水並不是黑色，而是個陶盤俾溫泉整到變左色啫。
我們先去浸大眾池先
第二日會調轉，但老公話佢果邊D房會望到，所以第二天早上我都係浸私家湯
晚餐我們訂左每人包三杯酒嘅 套餐，我們係酒單隨便選，味道一般。
佢最有誠意係得咁少房，都係餐廳大堂準備左一D前菜丶小菜讓大家自行取用，味道全部都好
好。
套餐食物都好好食，飽到我們食唔落飯，結果叫佢唔好上飯，佢就連甜品都無上😄，唔緊要食隻柑做甜品。
已經無開暖氣，但張被好厚瞓到出晒汗。
沒有留言:
張貼留言