2019秋九州楓葉自駕遊Day 2 御船山

17/11(日)

一早起身便去食早餐,早餐很豐富好多嘢食

食飽飽又去浸溫泉不過今次係間房浸溫泉,有私人溫泉真係好過癮｡

之後我地就出發去有田買碗碟,  喺香港已經睇中蘭香社D碗碟,所以我地直接出發去蘭香社，喺嗰度有唔少收穫,不過今日係星期日好多店舖都冇開,我想去上次買花碟果間壽泉堂都冇開，所以如果係下次閒日去會更好。我覺得呢度仲好行過有田個批發社區
我嘅戰利品

之後我地去左有田陶瓷宮殿，影相係幾靚嘅

不過好細，無乜野行，有間鋪頭叫宗政造洒有得試飲酒，買左兩支梅酒

嗰陣都係午餐時間冇訂位的餐廳全部滿哂，最後返返去蘭香社條街果度食，睇下睇下點知見到間鋪頭幾得意,佢特色係用啲唔同既陶瓷去裝個啲嘢食,都幾好食呀｡

呢碗野好得意， 唔係軟嘅係煙煙韌韌嘅

最後我地再去有田批發社區，我覺得無上次咁好行,鋪頭啲野又貴又冇乜特色｡

之後我地就出發去御船山樂園啦，上次黎係杜鵑花同櫻花花季,上次我已經覺得下次一定要住喺哩度附近。我地住御船山樂園觀光酒店因為竹林亭實在係太貴啦。  今晚￥33800

酒店個大堂真係好靚， 飲左迎賓飲料我們就入房



房間我地租左日式房，仲有個迷你花園仔

放低啲野我地就行過御船山樂園觀光，酒店送果張入場券喺今日同今夜，第2日日頭都可以入去嘅。因為天氣預報話明天會落雨所以我地把握今日嘅時間日頭去觀光。

因為今年係暧冬都不是很多紅葉轉了色。

一邊行上去接近山頂的時候,有一條通道黎喺返入酒店的｡入酒店之前喺會有幾個展覽廳，所謂光影展覽但係都真係好無謂｡

跟住返入酒店浸溫泉,嘆左一陣就去食飯喇。

晚餐和牛主菜我揀左壽喜燒,但真係咸到爆炸後來我忍唔住叫佢俾熱水我。其他野全部都好好食。

大約8點半我地就出發去睇夜楓，真係好靚，可惜我部相機唔夠靚｡

大約9:15我地就返去酒店,冇去到去專用嘅茶室食野。返到酒店大堂其他觀光客都走哂，可以慢慢影果D燈。