3.11.2024(日)
今日離開奧入瀨溪流進入秋田縣喇，目的地係新玉川溫泉同玉川溫泉自然步道。沒有再安排其他景點，因為想好好地遊車河，但最終發現每次安排遊車河行程都係失敗告終。
最後一次駛過奧入瀨溪流後，計劃是到訪十和田湖，由於紅葉狀況不理想，隨便影了幾張相便離去
約十一點左右途經道之站休息，同埋終於同蘋果樹影相喇
由於時間尚早未覺肚餓，所以決定再前行才找餐廳。
結果又再次重蹈覆轍~~八幡平沿路都無特別風景或紅葉，重點係去到遊客中心原來無餐廳。
咁我們決定早D 去玉川溫泉步道，諗緊景點附近應該有餐廳，去到點知要排隊入停車場，唔知要等幾耐，咁就再決定先去今晚住宿的新玉川溫泉酒店，當時只是下午一點，應該有餐廳喇卦，SORRY 餐廳唔開，再次失望，接待處職員話最近餐廳要駕車45MINS去到田沢湖附近。
肚勁餓，好彩今早CHECK OUT時酒店送左兩條蘋果蛋糕，救我們一命。不過其實好甜，真係唔係幾好食
見到有開，個心即刻歸位
回程時慢慢影下相，途經寶仙湖，風景好靚
回程再去玉川溫泉步道，停車場嬸嬸有提醒仲有30MINS，由於我們以為停車點好近入口便指OK，點知原來要行條樓梯，再望下個步道實在太壯觀，所以決定明天一早再戰，是日敗走。
是日住宿￥41800 ，酒店有付費岩盤浴45MINS，男女分開的，好細心咁 不同位置不同溫度，我家老闆唔夠十分鐘就出左來，我頂到十五分鐘都放棄左
晚餐食物一般，房間就很乾淨，大浴場我家老闆話佢果邊有陣陣臭味
附上有關住宿及步道影片
沒有留言:
張貼留言