4.11.25(一)
由於今日有兩大景點要去，且兩個都要步行，所以需要早點出發，餐廳7:00開門，我們7:10去到已經無位要號碼牌，好多老人家都好早，還好7:15已有人離開，早餐都是很一般，隨便食飽便出發。
出發時發現路邊的草都結霜了
玉川溫泉步道真係好好玩，最喜歡係步道很近不少泉眼及噴口，有少量人士我相信係帶埋睡袋係路邊瞓左一晚，煙霧迷矇間最初都嚇了一跳
玩完一輪便出發去小安峽大噴湯
途經休息站買左提子，提子好新鮮仲用水養住
小安峽有兩個停車場，佢有兩條樓梯落去，其中一條好直，另一條似Z形咁，但每級要行多兩步的闊樓梯。
由於我想跳住落去，所以一定要搵條直樓梯出來，佢係兼子商店旁
跳住行落去對膝蓋負擔無咁大，但都係地獄天梯，來回七百多級，從另一邊走上去時感覺自己彷如置身地獄
這便是另一條樓梯
對比早上嘅玉川溫泉，這個景點就有點兒小意思了
從另一邊樓梯上番來便有一個大型停車場及售賣記念品店，店前有賣串燒的攤位，可能步行完，覺得肚餓串燒特別好食，我們買埋最後兩串燒牛肉，想再買都沒有了。
附上相關影片
到達後都三點多，且鳴子峽好多車要排停車位，所以我們決定第二天早上才到訪。
房間訂了附溫泉之房間，費用￥85200，房間位於大堂地下，位置便利。大浴場個溫泉環境都好靚，而且泉質唔錯。酒店另外有四個免費私人溫泉，只要無人便可以使用，但大小跟房間的差不多，所以可以不用特別嘗試。
由於尚未到晚餐時間，但泡完溫泉有少少餓，地下有無人便利店，買了點小食過下口癮。
晚餐我們加買了飲料放題，都有不少酒類。
附上相關住宿影片
沒有留言:
張貼留言