前往九住花公園前先入油，都係得番半缸入
入左￥3168
之後經過阿蘇道之駅，又入去購物一番
阿蘇牛奶果然名不虛傳!!!!!!!好香濃~~~~
買左呢個唔知咩來食
完全冇味道，朱古力粉果份有朱古力味，另一件冇味，只係煙煙韌韌
買左士多啤梨同我至愛既手造士多啤梨果醬￥800~~~~~~
很快就去到九住花公園，果度都幾大風，我老公都要著羽絨
花唔係開左好多，有D都剛剛種落去，過多兩至三星期就應該更好
玩完才十二點幾，我地決定去之前唔確定會去既日田睇下
沿途風光好靚
係觀光案內所泊低架車，問佢地取地圖，職員話行15分鐘左右就去到豆田町
我地決定慢慢行過去
唉..................玩咩吖..玩咁大.............
兩隻路痴行極都行唔到，問左幾次人，愈行愈錯
想返番車站都問左幾次路先到，條街又冇的士，仲有行行下落雨
好地地揸車咪好囉~~~~~
結果前後一個鐘左右，終於逃返車站，又累又餓
係觀光案內所旁的炒麵店食野
D炒麵同大板燒都好好食
食飽都差唔多三點幾，之後去黑川(好似落日田食炒麵咁)~~~~~~~~~~~~~~
日田 果D咩京都風建築、河岸乜都睇唔到~~~哈哈哈~~~~晒汽油~~~
今晚住帆山亭III 號房，￥38880，一泊二食
個GPS又搵唔到間旅館，惟有先入遊客中心風之舍個電話先，去到再睇下有冇地圖攞
去到黑川有指示板睇，一路睇指示一路駛，因係咁上山，而我老公又冇參與任何規劃，佢好懷疑我們行錯路，但我見到「山水木」我就知條路係啱嘅，終於到旅館喇
帆山亭好靚呀~~~~~
間房好靚好正呀~~~~~~
成間房最LIKE 個花園同溫泉好開揚，望住個山同附近D樹，個池旁仲有一未落晒的櫻花，浸浸下有陣風吹D花瓣落來，好好FEEL~~~
兩隻野好似天體營咁，赤條條係花園行來行去，原來好爽架!
再補D早上既照片
其實真係好好彩之前係日田落雨，來到黑川冇雨，浸左陣溫泉，跟住落左陣小雨，晚餐時又 冇LU~~~~
佢個花園有D鴨，好得意完全唔怕人，一開門佢地會行埋來架~~~
佢D溫泉蛋好好食，有少少茶葉蛋既味
佢個花園好靚
公眾池都好靚，男女湯係會調位架
呢間溫泉旅館真係大力推薦，如果有車，用手形來玩都係好好既選擇
晚餐要係餐廳食既，唔知係咪梅酒呢?
呢度D 員工英文都好好，食飯途中老闆娘出來逐檯同我們打招呼同傾計
晚餐好靚同好好食
佢地D牛肉係我地咁多日食過最好食最香牛肉味嘅
可惜得四塊~~~~唔夠攝牙縫
可能我地少見多怪，第一次見到玻璃樽乌龍茶
呢個好香濃奶味既，好好食
飯後買左杯手造雪糕，正~~~有雲呢拿籽~~~~
床都鋪好LU
如果有機會再來黑川，一定會再住帆山亭
沒有留言:
張貼留言