鋼管舞之夢~~緣起

由2013年10月開始學習跳鋼管舞，不知不覺已經學左兩年，兩年間拖拖拉拉到今日才升到INT4呢一級，想當初我都冇諗過自己會學到咁耐同會升到呢個級別。

好多人問我點解會去學跳鋼管舞~~

當中好多原因加埋一齊
1. 原本學左四年泰拳，但果時足底筋膜炎，只好暫停，所以想搵番D都有咁上下運動量的運動
2. 其實一直都好羡慕D體操運動員，做D動作好靚，又可以係空中飛，但一直得個羨慕
3. 係YOUTUBE見到個外國婆婆，成七十幾歲，但佢為左圓夢，走去學平衡木

所以我決定，尋夢，坐言起行，不要等到七十歲

結果就跑去學與體操相似的鋼管舞!

上頭一兩堂真係對自己好失望同挫折，基本上我手腳唔協調，跳舞好肉酸，D動作又個個都跣落來，我仲以為自己打開拳會大力D，都怪我打拳都有偷懶~~~~~
我仲同自己講學完D 八堂算喇，仲好彩冇買專用跳舞鞋，而且我果時好肥，舞室大大塊鏡，真係覺得自己好肉酸(當時我PAT PAT38吋)正式可以擺兩圍!!

點知第三堂教Climb up 我竟然一學就識，雙眼仲即時發出Bling Bling光芒，仲要俾老師捕捉到~~ 跟住我就決定學落去

由一星期一堂無練習，到今時今日，一星期兩堂，加一至兩次練習，再加每晚拉筋同練肌
之前為左影相再節食下，終於~~~~~~俾我練到D夢寐以求既腹肌出來喇!!!!!!!
我真係羨慕左其他人好耐好耐架喇~~~~~一直都掟唔起心肝去練~~直至我遇上鋼管舞!!!
現在真係完全沉醉左落去!!!

其實搵到自己鍾意既運動真係好重要，運動真係可以舒壓，為繁忙既工作同生活帶來更多點綴~~~~~~